أكبر 10 شركات معنية بالتعليم في الواقع الافتراضي والواقع المعزز – مدونة خوجة

23969000679_8f02cc676a_z

Touchtone

Read Original Article

بقلم آرون بيرتش، 2 يونيو 2016 || قامت بترجمة المقال: قسمت طه

آخر تحديث للقائمة في 2016/09/16

الواقع الافتراضي والواقع المعزز تقنيات جديدة عملت ضجيج في الفترة الأخيرة؛ مش بس هنستخدم الواقع الافتراضي والواقع المعزز في لعب الفيديو، لأن حاليا العديد من الشركات بتستكشف تطبيقات للواقع الافتراضي والواقع المعزز لاستخدامها في التعليم. احنا بنحتفظ في مخنا بحوالي 90٪ من اللي بنشوفه وبنعمله، ودي حاجة مش مستفيدين منها في التعليم. الطلاب مش بيحتفظوا بنفس القدر من المعلومات بمجرد قراءة كتاب بالمقارنة بالتطبيق الحقيقي اللي بيتعلموه. وهو ده السبب أن الواقع الافتراضي والواقع المعزز في التعليم مفيد جدا. التكنولوجيا دي بتقوم على إشراك الطلاب بطريقة جديدة تماما أكثر متعة بالنسبة لهم، ده بيزود من عملية حفاظهم على المعلومات. العديد من الشركات بتشتغل حاليا على الابتكارات في المجال ده، والشغل اللي شايفينه لحد دلوقتي هو بالتأكيد علامة أن حاجات كويسة جدا قادمة في المستقبل.

إيميرسِف في-آر إديوكايشن – Immersive VR Education

إيميرسِف في-أر إديوكايشن (التعليم عن طريق عملية الانغمار في الواقع الافتراضي) هو تطبيق للواقع الافتراضي طورته شركة Immersive VR Education وبيحاكي قاعة محاضرات في الواقع الافتراضي، مع اضافة مؤثرات خاصة لا يمكن الاستفادة منها في الفصول الدراسية التقليدية. وبترافق المحاضرات صور وفيديو وخبرات بتغمر الطلاب في مواقف بتعزز التعلم. تخيل انك بتاخد درس عن أبولو 11 والفصل اتحول عشان تكون داخل مكوك الفضاء اللي المدرس بيتكلم عليه وده بيضيف استفاده أكبر بكثير للمحاضرة عن الطريقة التقليدية. مكسب تاني كبير للنوع ده من التعلم هو أن طلاب والمدرسين ممكن يشاركوا في عملية تعليمية عن بعد من أي مكان في العالم، وده بيخلي التعليم أكثر سهولة على المستوى العالمي.

يونيميرسِف – Unimersiv

Unimersiv هي منصة للواقع الافتراضي التعليمي، بتصدر المحتوى التعليمي على أساس شهري. المحتوى في تطبيق  Unimersiv  بيغمر الطلاب في خبرات أكثر فردية وشمولية. التلات خبرات التعليمية المتاحة على التطبيق هي: استكشاف محطة الفضاء الدولية، علم التشريح في الواقع الافتراضي، والتعرف على ستونهنج في الواقع الافتراضي. التنوع ده في المحتوى بيظهر الإمكانيات الحقيقية للحاجات اللي ممكن نتعلمها باستخدام الواقع الافتراضي؛ وبتبين كمان أن  Unimersiv مكرس لاصدار المحتوى التعليمي في مجموعة واسعة من المواضيع.

برنامج رائد البعثات لجوجل – Google Expeditions Pioneer Program

جوجل كمان أحدثوا ضجيج في مجال التعلم عن الفضاء عن طريق الواقع الإفتراضي باصدار برنامج رائد البعثات المثير. والغرض من البرنامج ده هو أن فرق البعثات بتاعة جوجل تزور المدارس في جميع أنحاء العالم وتزود المدرسين بكل حاجة محتاجينها عشان ياخدوا طلابهم في رحلة لأي مكان. وهيقوم الفريق كمان بمساعدة المدرسين في إعداد واستخدام التكنولوجيا دي. وبتهدف تجارب الواقع الإفتراضي أنها تكون زي رحلة ميدانية رائعة ميقدرش المدرسين في العادي أنهم ياخدوا طلابهم ليها، سواء كان إلى الشعاب المرجانية تحت الماء، أو لمدينة زي برشلونة، الإمكانيات ملهاش حدود هنا. الطريقة اللي بيعمل بيها التطبيق هي أن الطلاب والمدرسين هيبقوا شايفين نفس الحاجات ويكونوا في نفس المحاضرة والمدرس بيكون قادر انه يشرح ويسلط الضوء على بعض الأمور اللي ليها صلة بالدرس.

خيمياء الواقع الافتراضي – Alchemy VR

Alchemy VR بيخلق خبرات التعليمية غامرة على نطاق مثير للإعجاب. التجارب في التطبيق ده هي بمثابة سرد بيتحكي للمستخدم بيشوف وبيجرب فيه عدد لا يحصى من الحاجات المختلفة. أحد الأمثلة على ده هو استكشاف الحيد المرجاني العظيم. اللي مخلي Alchemy VR متصدرة المجال ده هو شراكاتها اللي بتساهم في مستوى المحتوى التي بتنتجه. الشركة ليها شراكة مع سامسونج، وبعثات جوجل، وسوني، واتش تي سي، ومتحف التاريخ الطبيعي في لندن، والمتحف الأسترالي في سيدني. Alchemy VR عملت بالفعل عدة مشاريع لبعثات جوجل، ومن المتوقع أنها تصدر خبرات عن الاهرامات وجسم الإنسان في وقت قريب.

ديسكفري للواقع الافتراضي – Discovery VR

ديسكفري بقي لهم 30 سنة بيحكوا قصص بطريقة غير أي حد. ودلوقتي دخلوا العصر الحديث مع تطبيق Discovery VR. بعض المفضلات من المحتوي بتكون متاحة علي التطبيق عشان تقدر تعيش بعض الاكتشافات المفضلة ليك بطريقة جديدة في الواقع الافتراضي. محتوى ديسكفري على منصة الواقع الافتراضي يعتبر فايدة كبيرة بالنسبة لمجال التعليم عن طريق الواقع الافتراضي. ديسكفري بتصدر المحتوى التعليمي بقالها سنين، وبقت اسم مألوف في البيوت. فلما بيسمع الناس انك ممكن تتفرج علي برنامج  الصيد الدموي Deadliest Catch أو مدمروا الخرافات Mythbusters كواقع افتراضي ده ممكن يزود عدد المهتمين بالتطبيقات المحتملة للواقع الافتراضي في مجال التعليم.

زي-سبايس – zSpace

zSpace  هو تطبيق فريد من نوعه في مجال التعليم عن طريق الواقع الافتراضي وده بسبب التكنولوجيا اللي بيستخدموها.  zSpace  شايفين أن تكنولوجيا الواقع الافتراضي مش لازم تكون بالضرورة معادية للمجتمع بحيث أن كل واحد بيكون جوا سماعته ونضارته اللي بتنقله للواقع الافتراضي.. zSpace عندهم شاشات مماثلة لطريقة عمل أفلام الـ3D ، مجموعة من الناس بيستخدموا نضارات بتشبه في المظهر إلى النضارات الـ3D..  النضارات دي بتخلي المحتوى يطلع من الشاشة. بالإضافة لده، مستخدمي zSpace بيبقى معاهم قلم بيستخدموه للتحكم في المحتوى.zSpace  حاليا عندهم محتوى متاح لتعليم العلوم والتكنولوجيا والهندسة والرياضيات الـ STEM، التدريب الطبي، والرياضيات والعلوم العامة.

كيوريسكوب – Curiscope

Curiscope  هي شركة ناشئة بتركز على التعليم عن طريق الواقع الافتراضي، وبالفعل تي شيرت الواقع الافتراضي بتاعهم ابتدى يلفت الانتباه. الطريقة التي بيشتغل بيها هي أن شخص واحد بيلبس تي شيرت وشخص تاني معاه هاتف ذكي بيشغل التطبيق ومن خلاله بيقدر يتعرق على جسم الإنسان بطريقة فريدة من نوعها. ويعتبر التطبيق وسيلة فريدة من نوعها للاستفادة من الواقع المعزز في التعليم وده  بالتأكيد علامة للحاجات الكويسة اللي في مستقبل شركة Curiscope.

Curiscope-image-768x576

ووفبيرت في-آر – WoofbertVR

بتركز Woofbert VR على تقديم الفن لتكنولوجيا الواقع الافتراضي، وبيتطلعوا لإعادة تشكيل مشهد حكي القصص وإحداث ثورة في الطريقة اللي بننظر بيها للفن والثقافة. WoofbertVR هو وسيلة فريدة لزيارة معرض فني، سواء بشكل فردي أو مع فصل دراسي لإنها بتقدم للطلاب فرصة المشاركة في رحلة ميدانية مش هتحصل في الظروف العادية. استكشاف المعرض باستخدام تطبيق WoffbertVR هو تجربة مطابقة تقريبا لاستكشاف المعرض بشخصك. ممكن تمشي في أي طريق تختاره، تكبير لوحات لو مهتم بيها، والاستماع إلى تسجيلات عن بعض المعروضات. والفرق الوحيد هنا هو أنك مش محتاج تاخذ رحلة مكلفة لزيارة المعرض اللي فيه بعض من اللوحات أو القطع المفضلة ليك، دلوقتي ممكن القيام تروح وانت مرتاح في بيتك.

نيربُد – Nearpod

Nearpodهي منظمة بتجمع بين تكنولوجيا الواقع الافتراضي والواقع المعزز مع خطط التدريس التقليدية في الفصول الدراسية لنهج للتعلم يقوم على التكنولوجيا دي بشكل أكبرNearpod  بيستخدم صور وفيديوهات الـ 360 درجة في وضع خطط الدروس، وكمان حاجة شبه برنامج باور بوينت بيستخدمه للطلاب مع الصور والفيديوهات دي. في كمان خيارات للطلاب للرد على الأسئلة عن طريق الكتابة على جهاز الكمبيوتر المحمول أو التابلت.. Nearpod VR بيدينا فكرة شكل الفصول الدراسية في المستقبل، لما تبقى خطط الدروس معززة بتكنولوجيا الواقع الافتراضي والواقع المعزز وبيتم اشراك الطلاب اكتر في العملية التعليمية باستخدام التكنولوجيا الجديدة دي.

إي-أو-إن رياليتي – EON Reality

EON Reality بتتطلع لتغيير كيفية استفادة المدرسين من التكنولوجيا في الفصول الدراسية. ممكن للطلاب والمدرسين خلق بيئات التعلم المخلوطة مع آداة EON المتخصصة التفاعلية واللي بتسمح للمستخدمين الجمع بين المحتوى الـ3D  و الفيديو، والمؤثرات الصوتية، والملاحظات، وباور بوينت، وحاجات تانية كتير. EON كمان عندهم بوابة  بتمكن المدرسين والطلاب انهم يحمّلوا شغلهم، ويستكشفوا إبداعات المدرسين والطلاب الآخرين. وفي كمان EON كوليسيوم اللي بيمكن الطلاب والمدرسين يجتمع من الإلتقاء في الواقع الافتراضي، وده بيخلي في إمكانية للتعاون في أي وقت ومن أي مكان.

شِل جايمز – Schell Games

ألعاب شيل هي من أكبر شركات تطوير الألعاب المستقلة في الولايات المتحدة؛ ونقطة قوتهم هي في ما وصفوه بأنه ألعاب التحول، أو الألعاب اللي بتغير الناس للأفضل. من بين الألعاب اللي لا تعد ولا تحصى اللي طورتها هي لعبة دببة المياه في الواقع الإفتراضي Water Bears VR ، وهي لعبة لغز واقع إفتراضي تستهدف الاطفال، وبتعزز نظم التفكير والادراك المكاني. كان فيه دايما تحدي في مجال التعليم في إشراك الطلاب في العملية التعليمية، وخاصة الأطفال، وجعل التعلم متعة كان دايما الحل العملي للتحدي ده. تطوير الشركات (زي شِل جايمز) لألعاب الواقع الافتراضي الممتعة للأطفال، واللي ليها ميزة إضافية لكونها تعليمية، هي حل للتحدي المتمثل في الحصول على أطفال مهتمين بالتعلم.

جايمار – Gamar

Gamar هي شركة بتحاول تخلي زيارات المتاحف تتسم بنكهة أكثر حداثة من خلال استخدام الواقع المعزز. الطريقة اللي بيعمل بيها محتوى Gamar هو إن عندهم خبرات تفاعلية ومعلومات تكميلية ممكن إرفاقها مع بعض المواقع لتعزيز زيارة المتحف. من أهم قواعد أي متحف هو عدم لمس أي حاجة، ولكن مع التطبيق ده، الحضور هيقدروا يشيروا بهواتفهم الذكية أو التابلت على حاجة معروضة والحصول على معلومات إضافية عنها. زيارة المتحف ممكن تكون مملة للأطفال اللي بيبقوا عاوزين يلعبوا بهواتفهم الذكية وخلاص. حلت Gamar المشكلة دي عن طريق إيجاد وسيلة لإشراك الأطفال في المتاحف بطريقة مثيرة للاهتمام بالنسبة الهم وعلى مستواهم. تكنولوجيا الواقع الافتراضي والواقع المعزز أدوات عظيمة للتعليم، ولكن لو مقدرناش نخلي الأطفال يستخدموها مش هتفيد بحاجة. وهو ده السبب اللي مخلينا محتاجين مؤسسات زي Gamar واللي بتلاقي طرق تخلي الأطفال يستخدموا التكنولوجيا دي في مجال التعليم.

ثينجلينك – ThingLink

ThingLinkحطوا خطة فريدة من نوعها للاستفادة من صور الـ360 درجة في الفصول الدراسية بتتيح للمدرسين، أو الطلاب، أنهم يعلقوا عللى الصورة بمختلف العلامات التفاعلية، أو روابط فيديو مختلفة أو تطبيقات أو أدوات من طرف ثالث. تخيل أنك تكون قادر تتفرج على صورة 360 للندن والنقر على حاجات مختلفة في جميع أنحاء الصورة، علامة منهم ممكن تكون رابط لفيديو بيشرح حاجة انت شايفها، وعلامة تانية ممكن تكون واجب طالب أو مكان تاخد عليه ملاحظات. النوع ده من جمع كل شيء في تجربة تعليمية واحدة بيساعد في منع الأحساس بالانفصال عن عملية التعلم اللي بتستخدم تكنولوجيا الواقع الافتراضي والواقع المعزز. لو ماحتاجش الطلاب أنه يشيل نظره عن الصورة الـ360 درجة عشان يكتب الملاحظات أو يعمل الواجب مش هينفصل عن الواقع الفتراضي اللي هو فيه. بتشجع التكنولوجيا ThingLink الطلاب والمدرسين للاستفادة من الواقع المعزز في الفصول الدراسية للحصول على تجربة فريدة من نوعها، وعندها القدرة على تشكيل الاعتماد على تكنولوجيا الواقع الافتراضي والواقع المعزز في الفصول الدراسية على نطاق واسع نظرا لجاذبيتها للطلاب والمدرسين على حد سواء، مش بس طرف فيهم أو التاني.

الواقع الافتراضي والواقع المعزز هم خطوة كبيرة جديدة للأمام في مجال التعليم، والتكنولوجيا دي كويسة للمدرسين والطلاب على حد سواء. المدرسين هيكونوا قادرين أنهم يجذبوا انتباه الطلاب بطريقة لم يسبق لها مثيل وجعلهم أكثر نشاطا في الفصول الدراسية. الطلاب على طول بيحاولوا يمشوا مع أي حاجة جديدة. استخدام تكنولوجيا الواقع الافتراضي والواقع المعزز في الفصول الدراسية هيكون حاجة حلوة بالنسبة للطلاب لأنه أحدث وأحسن حاجة موجودة حاليا. استخدام تكنولوجيا الواقع الافتراضي والواقع المعزز مش بس هيخلي التعلم أكثر متعة وتشويقا للطلاب ولكنه هيزيد كمان نسبة احتفاظهم بالمعلومات لأنه بيشركهم بطريقة الكتب المدرسية ببساطة متقدرش تتنافس معاها. التكنواوجيا دي بتدينا لنا نافذة على مستقبل التعليم، ومش هيمر وقت طويل على الأغلب قبل ما يكون من الطبيعي أن الفصول الدراسية تبقى مجهزة بنوع من تكنولوجيا الواقع الافتراضي والواقع المعزز.

مصدر الصور:
flickr.com

One response to “أكبر 10 شركات معنية بالتعليم في الواقع الافتراضي والواقع المعزز – مدونة خوجة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s