مقال رأي: ثلاث طرق تكنولوجية ممكن نطور بيها تدريب المدرسين – مدونة خوجة

0b6dd1d

Hechinger Report

Read Original Article

بقلم: آدم جيلر – 27 فبراير 2017 || قامت بترجمة المقال: قسمت طه

ممكن المدرسين يتعلموا درس قيم من تقدم مزارعي القمح الأميركيين في الـ 125 سنة اللي فاتوا.

المزارع سنة 1890 كان بيستثمر 40 ساعة من الجهد تقريبا لإنتاج 100 بُوْشِل (مكيال سعته حوالي 35 لتر) من القمح. باستخدام الطرق والتكنولوجيا المتاحة دلوقتي، بيحتاج المزارع ثلاث ساعات بس من الجهد لإنتاج نفس الكمية من القمح.

ممكن نسأل طيب ايه اللي اتغير؟

الفرق هو أن المزارعين اختاروا أنهم يتبنوا أساليب وتكنولوجيا جديدة بفاعلية لتحقيق هدفهم المتمثل في إنتاج القمح.

القائمين على التعليم، زيهم زي المزارعين، عندهم أهداف مهنية. واحد من الاهداف دي هو زيادة فعاليتهم في الفصول الدراسية باستمرار.

في العقود الأربعة اللي فاتت، المدارس اعتمدت العديد من الأساليب الجديدة عشان يخلوا عملية التنمية المهنية معتمدة بشكل أقل على الجلوس والأستماع لإسطمبات وبشكل أكتر على كونها تدريب تم شخصنته لتلبية الاحتياجات الفردية للمدرسين.

ودلوقتي جيه الوقت لاعتماد التكنولوجيا اللي ممكن تضاعف قوة عملية شخصنة التعلم المهني.

أولا، خلونا نحدد ايه اللي مايعتبرش ضمن عملية التطوير المهني المشخصنة : كاتالوج كبير من فيديوهات دورات تعليمية حسب الطلب.
الموارد اللي زي دي هتكون مفيدة ازاي إذا كنت مدرس ومجالكش تعليقات وآراء عن طريقة تدريسك (أو طرق الناس التانية) عشان تعرف ايه اللي المفروض يتغير؟

أفضل صورة لعملية التدريس المشخصنة بتبقى مماثلة لردود الفعل والملاحظات اللي تم توجيهها ليك والتأمل الذاتي لطرق تدريسك بناء على أدلة من نتائج عملية التدريس أو الطلاب.

وبتشتمل الطرق الشائعة حاليا على أفكار زي التدريب التعليمي، ملاحظة مدرسين تانيين في فصولهم، والإنضمام لمنتديات التعلم المهني.

ولكن الأساليب دي، لما بتتنفذ من غير تكنولوجيا، بيبقى معظمها معتمد على وجود الفرد، ودايما تأثير الجهود دي هيكون محدود بسبب الحاجة لوجود الأشخاص المناسبين في المكان المناسب في الوقت المناسب عشان يلاحظوا عملية التدريس.

التدريب عبر الفيديو بيخلي من الممكن أن المدرسين يلاحظوا تدريس بعضهم البعض في الفصول لما يكون الوقت مناسب، ونتيجة لده، كمية الملاحظة، وردود الفعل، وطرق التعاون- لو متاحة- بتزيد.

احسن حاجة في التدريب عبر الفيديو أن المدارس مش هتحتاج تغير بشكل كبير أساليب التطوير المهني اللي شغالين بيها والمدرسين بيعبروها قيمة.

دول ثلاثة من نفس الأساليب اللي ممكن تنفيذها بسهولة مع أدوات الملاحظة عبرالفيديو:

أولا، التدريب القائم على المهارات: بعد تدريب المدرسين على استراتيجية تربوية جديدة، ممكن يكون في صعوبة للحصول على مدرب في كل فصل عشان يعطي للمدرسين ملاحظات على جهودهم لتنفيذ الاستراتيجية دي. النقص ده في عملية المتابعة والدعم بيساهم كسبب في عدم استمرارية التغييرات الجديدة دي لوقت أطول.

في عملية التدريب عبر الفيديو، بيسجل المدرسين محاولاتهم، وبيشاركوها مع المدرب، وبيجيلهم في الوقت المناسب ردود فعل وملاحظات مخصوصة ليهم عن تطبيقهم للمهارة الجديدة.

ثانيا، في عملية ملاحظة المدرسين التانيين في فصولهم: بدل من تنسيق أن كذا مدرس يسيبوا فصولهم الدراسية لملاحظة بعضهم البعض، خليهم يسجلوا فيديو لتدريسهم.

بعد تحميل الفيديو لمجموعة من زمايلهم، ممكن للناس المشاركة في عملية الملاحظة الافتراضية دي أنم يدوا بعض تعليقات وملاحظات علي دقايق معينة في الفيديو. النهج ده ليه ميزة إضافية وهي أن المدرس اللي تمت ملاحظته ممكن يشارك في ملاحظة عملية التدريس الخاصة بيه.

ثالثا، حصر دورات النمو: انهارده، ممكن مدرس ومدرب يتفقوا على تغييرات هينفذها المدرس، وفي نهاية الفصل الدراسي، هيعتمدوا على الملاحظات اللي اتاخدت في المراقبة (المواقف اللي حصلت ساعة التنفيذ) لمقارنة فترتين من الزمن.

باستخدام الفيديو، ممكن مقارنة فترتين في عملية التدريس جنبا إلى جنب مع تعليقات وملاحظات هادفة بترتكز على أدلة فعلية من النمو اللي تمت مشاهدته على الفيديو.

عشرات السنين من الأبحاث بتدعم التأكيدات الواردة هنا – أن الفيديو ممكن يكون أداة قوية لتعليم المدرس، وإن اليومين دول، في تكنولوجيا متاحة بتقلل من العقبات التقنية اللي ممكن تواجهك في استخدام الفيديو في مؤسستك.

الحاجة الوحيدة اللي مانعانا من تطوير تأثير الاستراتيجيات التي بيتم تطبيقها بالفعل، والحصول على نتائج مشابهة لمزارعي القمح اليوم، هو تقاعسنا عن استخدام التكنولوجيا باعتبارها أداة ممكن تضاعف قوة الاستراتيجيات دي.

كاتب المقال الأصلي هو المؤسس والرئيس التنفيذي لشركة  Edthena، وهي منصة لملاحظة الفصول الدراسية عبر الفيديو و بتدعم التطوير المهني للمدرسين. بدأ آدم جيلر مسيرته التعليمية في الفصول الدراسية كمدرس لمادة العلوم.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s