خمس أسباب لتفوق سنة الإمتياز للمدرسين على التدريب التقليدي – مدونة خوجة

teacherresidencyprogram

Hechinger Report

Read Original Article

قبل قراءة المقال، ولتعريف القارئ ببرنامج سنة الإمتياز للمدرسين، يرجي الضغط هنا.

مع استمرار إرتفاع توقعات الناس من المدرسين، بقى لازم إننا نضمن إن كل مدرس بتتاح له فرصة كافية لإتقان وتطبيق حرفته.

زيهم زي الأطباء اللي بيتدربوا، بيحتاج المدرسين المحتملين لتجارب تحليلية مدعمة من المدرسين الممارسين ذوي الخبرة للربط بين النظرية التعليمية والممارسة، وتطوير تقنيات واستراتيجيات عملية مباشرة تساعد الأطفال على التعلم.

وبصفتي (أي كاتبة المقال الأصلي) مديرة لمشروع التمويل المستدام في مؤسسة بانك ستريت كولدج التعليمية، بعقد اجتماعات منتظمة مع المربين وصانعي السياسات وغيرهم من أصحاب المصلحة في جميع أنحاء البلاد للمساعدة في دعم عملية إعداد ذات جودة عالية للمدرسين من خلال تقديم سنة امتياز ليهم ممولة على نحو مستدام.

في الصيف اللي فات، أتيحت لي الفرصة لملاحظة قادة المناطق التعليمية، والمدرسين، والمشرفين الجامعيين من برنامج تيتش-أوريجون TeachOregon التعاوني لإعداد المدرسين في مدارس سالم-كيزر Salem-Keizer وهم بيدربوا المدرسين الجدد (اللي حيبقوا مشرفين ومدربين) على المشاركة الفعالة في تدريب مدرسين سنة الامتياز.

أثناء وما بين ثلاثة أيام من الجلسات، إتكلم المدربين عن قد ايه برامج سنة الامتياز بقت دلوقتي هادفة أكتر من برامج التدريب التقليدية اللي كانوا هم بيحضروها. واحنا بنناقش الطرق اللي سنة الامتياز قبل الشغل بتفيد المدرسين المحتملين والجدد، ظهرت عدة محاور.

المحورالأول كان إدارة الصف. معظم المدرسين المبتدئين (واللي بيوظفوهم) بيتمنوا إنه يكون عندهم مهارات أقوى في المجال ده. الإدارة الفعالة للصف بتتطلب أكثر من معرفة تقنيات مختبرة مُسبقاً. عادة، عملية تعيين المدرسين المبتدئين بتتم بشكل روتيني إكلينيكي وكمان بعد بداية العام الدراسي، وبتنتهي بعد 15 أسبوع. وبكده بيتعلم المدرسين المبتدئين بالإعتماد الكامل علي نفسهم، وبيبتكروا وبيجهزوا أساليب جديدة عادة بنجاح محدود. في المقابل، بيتعرض طلاب سنة الامتياز لعام دراسي كامل من البداية للنهاية وبيتعلموا لما بيعملوا الحاجة بنفسهم وده بيخليهم ينقلوا فهم أعمق وخبرة مباشرة لصفوفهم.

التخطيط هو المحور الثاني اللي اتناقش بشكل كبير. في حالة التدريب التقليدي، بيبدأ المدرسين المبتدئين بصفتهم ملاحظين، وبعد كده بيخططوا لدروسهم في نهاية المطاف. وبما إن المدرسين المبتدئين بيقدموا نماذج للدروس – بهدف الحصول على رأي وتقييم للنماذج – قبل ما يدرسوها، ممكن خططهم تكون مش متزامنة مع وتيرة الصف الدراسي. أما بالنسبة لطلاب سنة الامتياز، اللي بيكونوا جزء من كل عمليات التخطيط، الدروس بتبقى مجرد خريطة أكتر من كونها “نموذج”، وبتتطور مع التقييم المستمر لاحتياجات الطلاب. كمان يفتقر المدرسين المبتدئين للخبرة في الرؤية المنهجية الشاملة، وده بيخليهم يدوا لتلاميذهم مهام تَعَلُّمية منعزلة عن بعض. بس على مدار السنة، طلاب سنة الامتياز بيشوفوا ازاي بتنسجم الدروس والوحدات مع الأهداف التعليمية الشاملة، وبيتعلموا تصميم الدروس اللي بتكون بعد كده مشاريع هادفة بتحفز مشاركة الطلاب فيها.

ثالثا، جودة التدريس. سنة الامتياز بتبشر بتحسين جودة التدريس – أثناء وبعد السنة على حد سواء. تم توثيق حالات كان فيها الطلاب اللي في الصفوف الدراسية اللي اشترك فيها مدرسين سنة الامتياز بيحققوا مكاسب أكبر لعملية التعلم، أكبر من الموجودة في الصفوف التانية، وأكبر فايدة كانت من نصيب أكتر طلبة محتاجينها. خريجي سنة الامتياز بيكونوا كمان مدرسين عندهم فعالية أكثر؛ دراسات دقيقة وثقت أن طلاب المدرسين خريجي سنة الإمتياز بيتفوقوا على غيرهم.

بِنية سنة الامتياز بتعزز التعلم العميق لكيفية التدريس. وبتبقى التوقعات من المدرسين “الطلاب” في سنة الامتياز عالية عشان بيشتغلوا مع المرشدين المدربين اللي بيكونوا مدرسين فعالين في الصف. على العكس، حتى في أحسن تعيين للمدرسين المبتدئين في المكان الملائم ليهم، بردو مش بيقدروا يندمجوا بشكل كامل في الصف. بيبقى لازم أنهم يتعلموا بسرعة من خلال ملاحظاتهم ويعملوا نماذج للدروس، وينتهوا من وحدة  دراسية منظمة في موعد محدد، وحاجات تانية أكتر.

رابعا، الاحترافية. عشان تبقى مدرس، ده بيتطلب أكثر من تعلم تخطيط الدروس وسردها للصف. ومع تعاظم التوقعات من المدرسين والتنوع السكاني، أصبح تخطي التعريف التقليدي للتدريس موضوع صعب وشاق، لكن بيتم انجازه بشكل أحسن في سنة الامتياز. لازم كمان يكون المدرسين منظمين ومراعين للمواعيد وممكن الاعتماد عليهم وقادرين على التعامل بهدوء مع التوتر العالي والحالات الخطيرة. بالاضافة لإنهم لازم يبقوا على استعداد للعمل باحترام وبشكل مثمر مع غيرهم من الكبار، وعلى استعداد لتكوين شخصية عامة مناسبة يتعاملوا بيها ومعرفة كيفية بث الثقة في أولياء الأمور. الاحترافية دي بتتطور مع مرور الوقت ومن خلال العلاقات. للمدرسين المبتدئين تجارب أقصر وده معناه أنهم بيضطروا يتعاملوا مع الحاجات دي بعد تعيينهم. أما طلاب سنة الامتياز فبيكتسبوا خبرة لمدة سنة كاملة كمحترفين من خلال القيام بالعمل بجانب مرشده.

المحور الخامس والأخير هو التوظيف والاحتفاظ بالوظيفة. على الرغم من أن سنة الامتياز بتبقى أساسا مقابلة لمدة عام لوظائف التدريس المستقبلية وبالتالي طلاب الامتياز بتفوتهم فرص كتير، إلا إن المناطق التعليمية للمدارس المستضيفة ليهم بتحاول بشكل جاد أنها تعينهم. وأشار ممثلو المنطقة التعليمية لمدارس سالم-كيزر أن خريجي سنة الامتياز بيأدوا أداء مدرسين بقالهم سنتين أو تلاتة أو حتى أربع سنين بيشتغلوا، وبالتالي بيحصلوا على عروض العمل في وقت مبكر في المكان اللي يفضلوه في المدرسة. ولأنهم مستعدين بشكل أفضل، بيبقوا مطمع للأماكن اللي محتاجة مدرسين. بالنسبة لطلاب سنة الامتياز، استثمار الوقت ده هو أكترحاجة تستحق كل التعب ده لانهم بيبقوا على استعداد لممارسة المهن اللي اختاروها وهم متأكدين من النجاح.

وعلاوة على ده، بيفضل طلاب سنة الامتياز في مهنة التدريس. 80 لـ90 في المئة من خريجي سنة الامتياز في مدارس سالم-كيزر لسة بيشتغلوا في نفس وظائفهم بعد 3 لـ5 سنين من بداية حياتهم المهنية، مقارنة بـ40 لـ50 في المئة من المدرسين التانيين.

البيئات المدرسية المستقرة والفعالة ممكن تطبيقها من خلال برامج سنة الامتياز الممولة. لازم تبقى البرامج دي معيار لبرامج إعداد المدرسين ومؤهل مفضل في قرارات التعيين في المناطق التعليمية. المدرسين المحتملين – وطلابهم المستقبليين – يستحقوا التزامنا العام بضمان حصول كل فرد على الإعداد اللي بيحتاجه للنجاح في الصفوف الدراسية في عصرنا ده.

  • تعمل كارين ديموس – بصفتها مديرة لمشروع التمويل المستدام بكلية “بانك ستريت” – على تعزيز برامج سنة الامتياز للمعلمين على مستوى القاعدة الشعبية وتجتمع مع قادة المناطق التعليمية، ومقدمي برامج الإعداد، والمربين في مختلف المدن في البلاد للمساعدة على خلق فرص ما قبل الخدمة (تدريس تحت التمرين) للتدريس التشاركي للطامحين في مهنة التدريس.

كتبت المقال الأصلي:

كارين ديموس (صفحة الكاتبة علي الإنترنت)

قامت بترجمة المقال:

أ.قسمت طه

مصادر الصور:

موقع الإدارة التعليمية لولاية أوكلاهوما الأمريكية

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s