إيه هو التوجيه التَمَايُزي؟ 10 أمثلة تشرح لك – مدونة خوجة

differentiated instruction

teachthought

Read Original Article

 التوجيه التَمايُزي هو عملية تفصيل التجربة التعليمية بحيث إنها تلائم الإحتياجات الشخصية للمتعلمين، وهو في الحقيقة موضوع مش جديد. المدرسين المجتهدين دايماً بيدركوا الإحتياجات المتنوعة للطلبة أثناء التَعَلُّم و بيظبطوا توجيههم أو إرشادهم للطلبة عشان ياخدوا الإختلافات دي في الحسبان.  من خلال الجلسات التدريبية الفردية (المدرس مع طالب واحد)، أنشطة المجموعات الصغيرة، الحِزَم التعليمية المُشَخصنة أو التفريدية، المشروعات التعليمية وتكليفات القراءة، المدرس بيقدر يتعامل مع نطاق واسع من مستويات الطلاب، وإهتماماتهم، ونقاط قوتهم وضعفهم، بالإضافة لأهداف الدرس الموضوعة مسبقاً.

لكن التوجيه التَمايُزي عمل شاق وبيحتاج وقت كبير، ومع الزيادة المستمرة لعدد الطلبة في الفصول، بيتحول “تفريد” العملية التعليمية عشان تناسب كل طالب لأمر صعب تحقيقه. التقنية الحديثة للتعليم التلاؤمي (أو التعليم التَكَيُّفي) ممكن تساعد المدرسين وتعزز مجهودهم عن طريق إقتراح المفاهيم اللي المفروض يتم التركيز عليها مع طالب مُعَيَّن أو مع فصل مُعَيَّن، وده بيحصل عن طريق تزويد المدرسين والطلبة كمان بنقاط القوة والضعف علي مستوي المفاهيم (يعني في كل مفهوم من مفاهيم المقرر). التقنيات اللي من النوع ده بتساعد المدرسين إنهم يحققوا أعلي إستفادة من وقت الدرس، وبالتالي يتم تفادي الملل من جهة وغَمْر الطلبة بالمعلومات من جهة أخري.

دي 5 أمثلة للتوجيه التَمايُزي:

1. تحضير مجموعات مختلفة من الأسئلة علي مواضيع القراءة الموجودة في كتاب مُعَيَّن. الكتاب ده ممكن المدرس هو اللي يختاره أو الطالب.

2. تحضير جزء أو حِزْمة مُشَخًَصَنة من المقرر، مدعومة بمواد تثري محتوي الجزء ده، لمعالجة التحديات الفردية عند الطلبة أثناء التَعَلُّم.

3. أسلوب تقييم تلاؤمي أو تَكَيُّفي للطلبة بتتحدد صعوبته أو سهولته علي حسب آداء الطالب.

4. جلسات تدريبية بين المدرس والطالب منفرداً تكون مصممة بحيث تركز علي النقاط اللي بتعتبر عقبات في طريق الطالب.

5. مساعدة التلاميذ لبعضهم، وده عن طريق تنظيم تعاونهم بتقسيمهم لمجموعات صغيرة مصممة علي حسب نقاط القوة والضعف لكل واحد فيهم.

و بما إن عكس الشئ بيوضحه أكتر، دي 5 أمثلة تانية علي أساليب توجيه “لا-تَمايُزية”:

1. تكليف الطلبة أصحاب المستوي المتقدم بالتدريس للطلبة أصحاب المستوي الأقل

2. عدم تكليف الطلبة أصحاب المستوي المتقدم بأي واجبات منزلية

3. تجميع التلاميذ في فصول مختلفة علي حسب قدراتهم

4. السماح للتلاميذ أصحاب المستوي المتقدم بمغادرة قاعة الدرس قبل زملاؤهم أو السماح لهم بأوقات أطول للترفيه

5. إعداد قائمة كُتُب والسماح للطلبة بإختيار اللي حيقروه منها دون إشراف المدرس.

فيه منصات متخصصة بتساعد المدرسين وبتسهِّل عليهم تَبَنِّي قالب التعليم التَمايُزي عن طريق إعداد مواد تعليمية تواؤمية. واحدة من المنصات دي عَمَلت أشكال توضيحية للقالب التعليمي ده (في المقال الأصلي). وعشان نترجم المقال، عملنا أشكال توضيحية فيها ترجمة محتوي الأشكال الأصلية و أرفقناها تحت السطور دي.

DiffInstruction_1

——————————————————————————————

DiffInstruction_2

——————————————————————————————

DiffInstruction_3

——————————————————————————————

DiffInstruction_4

——————————————————————————————

DiffInstruction_5

——————————————————————————————

DiffInstruction_6

 في المقال ده، تم إلقاء الضوء علي قدر محدود جداً من المعلومات المتاحة علي الإنترنت عن التوجيه التَمَايُزي، وأسرة المدونة حتتناول القالب التعليمي ده وفوايده المتعددة في مقالات قادمة كثيرة إن شاء الله.

**الترجمة الموجودة أعلاه ليست ترجمة حرفية علي الإطلاق، وما يعنينا في مدونة خوجة هو أن يجد القارئ خلاصة المقال الأصلي دون زيادة أو نقصان. نرحب دائماً بملاحظاتكم.

كاتب المقال:

أسرة المدونة (حساب الكاتب علي فيسبوك)

مصادر الصور:

1. Google Images

2. flickr.com

3. Getty Images

4. My Cute Graphics

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s