ديسلكسيا.. رحلة تعلم ممتعة من الكتب للألعاب (3-3) – مدونة خوجة

Dyslexia

المقال ده هو الجزء الثالث من سلسلة مقالات عن الديسلكسيا
(ده الجزء الأول) (ده الجزء الثاني)

مفيش حد بيتولد عارف يقرا. كلنا بنتعلم إزاي نقرا. ولما بنتعلم، مبنقراش كلنا بنفس السرعة.

اتعرفنا قبل كده في مقالاتنا على الديسلكسيا وأسباب حدوثها وأعراضها وبعدين عرضنا إرشادات للآباء والمدرسين إزاي يتعاملوا مع الأطفال  اللي عندهم ديسلكسيا وإن ده مش معناه أبدا إن الأطفال دول محكوم عليهم بالفشل والدليل مشاهير كتير في مجالات مختلفة من فنون وسياسة وموسيقى ورسم وإخراج.

في الجزء الأخير من مقالاتنا هنتعرف على بعض الجمعيات النشيطة في الدول العربية في مجال عسر القراءة واللي تقدروا تتواصلوا معاها للمساعدة. هنعرف مصادر أكتر نعرف منها عن الديسلكسيا وهنتعرف على ألعاب نلعب بيها مع ولادنا لتطوير مهاراتهم.

جمعيات عربية

الجمعية العالمية للديسلكسيا تعتبر هي المظلة الكبرى للديسلكسيا في العالم وتحتها عشرات من الجمعيات في دول مختلفة منها الدول العربية وأقدمهم كانت الكويت. في 1999، اتأسست الجمعية الكويتية للديسلكسيا ومن قبلها مركز تقويم وتعليم الطفل في 1984. بعدها في 2005 ظهرت الجمعية المصرية للديسلكسيا لصاحبتها د.سعاد شاهين اللي حصلت على 6 شهادات عالمية في الديسلكسيا بعد ما اكتشفت إصابة بنتها. فيه في مصر كمان مركز المنارة للتعلم Lighthouse Learning Center لمؤسسه د.جاد البحيري، الحاصل على دكتوارة الفلسفة من جامعة درهام البريطانية في اللغويات التطبيقية وبيدرس الديسلكسيا باللغة العربية. بعدين ظهرت الجمعية اليمنية للديسلكسيا في 2008 وأخيرا الجمعية الأردنية للديسلكسيا في 2009. كل الجمعيات دي هدفها مشاعدة المدرسين في التعرف على حالات ديسلكسيا وعمل تقييمات تعليمية نفسية للأطفال المصابين ما بين 6-16 عاما باستخدام شاشات إليكترونية وتدريبهم عن طريق معسكرات صيفية. المؤسسة كمان بتشتغل مع المدارس الحكومية لتقدير انتشار ديسلكسيا بين الأطفال وعمل الاحصائيات اللازمة للتعامل معاهم.

من مؤتمرات تيد إكس: المزايا السرية للديسلكسيا

ودي مجموعة كتب شفناها مهمة وممتعة في نفس الوقت للتعرف على ديسلكسيا عن قرب:

1- Dyslexia: A Teacher’s Journey: Memoir, by Ruth Fuller Lature

تجربة مُدرسة أمريكية درست لأطفال عندهم ديسلكسيا لمدة 9 أسابيع في مدة كانت كافية إنها تغير مسار حياتها.

2- A Shout-Out for Dyslexics: The Emotional Side, by Gina Mazzetti

الكاتبة نفسها عندها ديسلكسيا وبتحكي بعاطفة إزاي أثرت الحالة دي على أجيال مختلفة في عيلتها لأن الموضوع وراثي.

3- Overcoming Dyslexia: A New and Complete Science-Based Program for Reading Problems at Any Level, by Sally Shaywitz M.D

  الكتاب ده بيعتبر زي الدليل. المؤلفة تبقى المدير الشريك لمركز ييل لدراسة التعلم والانتباه وبتقدم في الكتاب ده أبحاث جديدة شاركت فيها عن إزاي بيشتغل المخ ومعلومات عن تعثر القراية وأساليب عملية للتغلب عليها وإزاي نتعرف على المصابين بديسلكسيا مع تمارين عملية لمساعدتهم في التعرف على الألفاظ ونطقها أسرع مع عرض لقصص نجاح.

4- The Human Side of Dyslexia: 142 Interviews with Real People Telling Real Stories About Their Coping Strategies with Dyslexia, by Shirley Kurnoff

142 حالة ديسلكسيا من الحضانة لحد الجامعة بتحكي تحدياتها ومشاعرها ونجاحاتها. كتاب ثري.

5- Dyslexia: How to Survive and Succeed at Work, by Sylvia Moody

الكتاب ده بيركز على المصاب بديسلكسيا لما يكبر ويشتغل والصعوبات اللي بيقابلها في الكتاب وتنظيم وإدارة الوقت والذاكرة الضعيفة وبيقدم ارشادات لتقوية المهارات التنظيمية والتعامل مع ضغوط العمل وتعزيز الثقة بالنفس.

غير كتب الأطفال المليانة صور وشخصيات كارتونية وحكايات.

الكتب الموجودة بالعربي جمعناها كالتالي:

1- مدخل إلى الدسلكسيا – برنامج تدريبي لعلاج صعوبات القراءة، أحمد السعيدي

معتمد على بحث عمله المؤلف، الكتاب بيمثل دعوة للمعلمين وأولياء الأمور للتحرر من النماذج السائدة في التعليم أو ما يمكن تسميته الروتين التعليمي المعتمد على الحفظ، وبيسلط الضوء على برامج علاجية لتنمية المهارات الكامنة للطلبة وإستغلال طاقاتهم وإمكاناتهم.

2- الدسلكسيا دليل المدرس وولي الأمر، جاد البحيري وجافين ريد

3- الدسلكسيا -الإعاقة المختفية، نصرة محمد عبد المجيد جلجل

4- هكذا أفكر : عسر القراءة واضطراب التآزر الحركي، ديفيد جرانت (مترجم)

5- سيكولوجية عسر القراءة (الديسلكسيا)، أحمد عبد الكريم حمزة

6- موهبة عسر القراءة – الديسلكسيا، رونالد ديفس وإلدون براون (مترجم)

إلى جانب مؤلفات د.جاد البحيري اللي بيعتبر من أهم الكوادر العربية في مجال الديسلكسيا وليه بعض الكتب هتلاقوها هنا.

من مؤتمرات تيد إكس: ديسلكسيا.. تبديد الأوهام

على التليفون والانترنت فيه تطبيقات وألعاب كتيرة للأطفال اللي عندهم ديسلكسيا هتلاقيها هنا. فيه كمان هنا بعض الألعاب اللي ممكن تشتريها لمساعدة الطفل يحسن من قدراته لكن كلها بالإنجليزي. لو تعرف لعب بالعربي ابعت قولنا عليها وعن تجربتك معاها. متنساش وانت بتلعب تخليك صبور وتحسس طفلك إن التعليم متعة 🙂

مراجع:

1- Responding to Dyslexia Around the World

 

كاتبة المقال:

أ.حنان سليمان (حساب الكاتبة علي تويتر)

مصادر الصور:

Google Images

flickr.com / License

Getty Images

 

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s