مسابقة مدونة خوجة في الزراعة المنزلية لطلاب مدارس مصر (الفئة العمرية الثانية) – مدونة خوجة

young-african-american-children-725x483

إنتهي ميعاد تسليم الأعمال في المسابقة دي .. إستنونا في مسابقة الزراعة المنزلية للسنة الجاية إن شاء الله 🙂

===================================

الفئة العمرية الثانية (من 12 إلي 17 سنة):

إيه المطلوب؟

  • كَوِّن فريق المشروع. الفريق لازم يتكون من طالبيْن علي الأقل
  • سلامة وأمان المتسابقين هو أولويتنا القصوي، وهي مسئولية أعضاء الفريق
  • حدد نوع (أو أنواع) الزرع اللي حتزرعه. إتأكد من توافر البذور وظروف الزراعة المناسبة
  • لو معندكش حساب علي فيسبوك، إعمل حساب وابعت لنا علي صفحة المدونة في فيسبوك بيانات فريقك وهي: أعضاء الفريق وأسماء المدارس بتاعتكم، والأنواع اللي حتزرعوها.
  • في الفئة دي، فريق المدونة حيكون مستعد يقدم أي مساعدة ومعلومات (عبر الإنترنت) عن طريقة الزراعة، أو أي استفسارات تانية، لكن مش لتحديد نوع المزروعات ، قرر بنفسك
  • مش مطلوب مننا نزرع محصول، مطلوب مننا فقط نخوض تجربة التَعَلُّم بالعمل في إطار تنافسي شيق

إزاي وإمتي تسليم المشروع؟

آخر ميعاد لتسليم المشاريع هو 30 مارس 2016

  • ممكن تسلم المشروع في شكل مجموعة من الصور بتوضح مراحل تطور المشروع، علي الأقل صورتين لكل أسبوع، يعني حوالي 24 صورة لمراحل نمو النبات، بالإضافة لصور مراحل الإعداد. العدد الكلي للصور يكون حوالي 30 صورة. إرفعهم علي حسابك علي فيسبوك وإبعت لنا رابط الألبوم في رسالة علي صفحة المدونة. كل صورة تكتب عليها تفاصيلها.
  • الإقتراح التاني لتسليم مشروعك هو عمل مقطع مرئي (فيديو) لمراحل الإعداد ونمو النبات ، مع شرح صوتي من المتسابقين للمادة المصورة. بعد إعداد المقطع، إبعته لنا علي صفحتنا في فيسبوك وقت تسليم المشروع.
  • المشروعات اللي حنستلمها منكم حنعرضها علي صفحتنا في فيسبوك

المشاريع اللي حتحصل علي أعلي تفاعل (إعجاب ومشاركة، والمشاركة بضِعْف نقط الإعجاب) من زوار الصفحة، حتكون بنسبة كبيرة هي الفايزة.

لكن مش التفاعل بس اللي حيحدد النتيجة…

طيب إزاي أكسب نقط إضافية؟

  • اللي حيزرع أكتر من نوع زرع حياخد نقط أكتر من اللي زرع نوع واحد
  • جودة تقديم المشروع وتوثيقه (جودة الصور أو الفيديو)
  • الإبتكار في الأدوات المستخدمة
  • الإبتكار في عرض نتائج المشروع 
  • الإبتكار في الإنتفاع من المنتج

طيب حكسب إيه؟

أول وأهم حاجة حتكسبها هي المهارات اللي حتكتسبها، والخبرة اللي حتنميها، والمعرفة اللي حتزودها، وبعدين تيجي الجوايز:

الجايزة الأولي 500 جنيه مصري

الجايزة التانية 300 جنيه مصري

الجايزة التالتة 200 جنيه مصري

الرجوع لصفحة الإعلان عن المسابقة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s