عن أثر العوامل البصرية في تَعَلُّم الرياضيات – مدونة خوجة

The vegetable Romanesco broccoli, or Brassica oleracea. As a whole it is cone shaped, the overall shape being created by a spiral of smaller cones, which themselves consist of spirals of smaller cones. It is one of many fractals found in nature, and like many organic objects, follows a notable mathematical series, the Fibonacci sequence.

Youcubed

Read Original Article

من وقت طويل، كان معروف لمدرسين الرياضيات إن إشراك الطلاب في التمثيل البصري للرياضيات بيساعد جداً عملية التعلم عندهم. الموقع المُترجم عنه المقال ده كان عرض نشاط علي هيئة لعبة إسمها “قريب قد إيه من 100” (How close to 100)، وفيها بيتعلم الطلبة حقائق رياضية عن طريق تمثيلات بصرية، والنتيجة كانت إن مدرسين من كل الدنيا كانوا متحمسين جداً، وتفاعلوا بآلاف التغريدات اللي بتبين التلاميذ وهما بيتعلموا عن طريق ممارسة اللعبة.

بعض أقطاب الرياضيات علي مستوي العالم بيستخدموا الطرق البصرية في الرياضيات بشكل كامل تقريباً

وأكبر دليل على أن الطرق التمثيلية المصورة ليها فضل كبير في حل كتير من المسائل المعقدة وإنها غير مقتصرة بس على سن معين هي إن الإيرانية مريم ميرزاخاني وهي أشهر عالمة رياضيات في وقتنا الحالي بتستخدم الطرق المصورة دي فقط في كل شغلها، حتى إن صورها في مقالات حديثة الجرائد والمجلات بتظهر فيها وأمامها ورقة بيضاء كبيرة موضوعة على طاولة مطبخها  بترسم عليها  أفكارها حتى إن الصحفيين لما سألوها قالتلهم إن بنتها الصغيرة اللي عمرها ثلاث سنين بتفتكرها رسامة.

وعلي الرغم من أهمية الرياضيات البصرية في جميع مستويات الرياضيات، فيه إعتقاد شائع إن الرياضيات المصورة هي فقط وسيلة أو دعامة لفهم الرياضيات المجردة الأكثر تعقيداً، وخصوصا إن المناهج التعليمية في مراحل عمرية مبكرة بتعتمد على الرسوامات والممارسات اليدوية وده دفع طلاب المراحل الأكبر للإعتقاد بأن الطرق المصورة دي مقتصرة على الأطفال وبس. سوء التقدير المنتشر للطبيعة البصرية للرياضيات له علاقة بمفاهيم خاطئة عن طبيعة الرياضيات نفسها.

الرياضيات البصرية هي جزء مهم وقائم بذاته من الرياضيات، وفيه أبحاث جديدة  أجريت على المخ بتقولنا أن الرياضيات البصرية كمان بتلعب دور في مساعدة الطلاب على تَعَلُّم الرياضيات العددية

وحسب دراسة رائدة وحديثة أجراها كلا من جونكو بارك وإليزابيث برانون في عام 2013، تم إكتشاف إن إستخدام مناطق مختلفة من العقل البشري بتساعد أن التعليم يكون فعّال أكتر. وتوصلت الدراسة لأهمية الربط بين تعامل الطلاب مع العلامات والرموز زي الأرقام وتعاملهم مع المعلومات البصرية والمكانية زي مجموعة من النقط وبالتالي الدمج بين الطريقتين بينشط مناطق مختلفة من العقل وبيخليها تتواصل مع بعض وبالتالي بيساعد على فعالية التعليم. وبالإضافة لكل ده وجدوا إن تدريب الطلاب عن طريق التمثيل البصري بيحسن بشكل كبير من أداء الطلاب في الرياضيات، حتي الرياضيات العددية، وإن التدريب البصري ساعد الطلاب أكتر من التدريب العددي. لو عايز أمثلة لأسئلة رياضيات بتشجع علي إستخدام التمثيلات البصرية والرمزية، شوف الصفحة دي.

 إيه هي الرياضيات البصرية؟

الموقع اللي المقال ده مُترجم عنه بيوفر مهام ونشاطات مختلفة لإشراك الطلبة في الرياضيات البصرية. علي مدار عقود من العمل مع الطلبة والمدرسين وشركات التكنولوجيا والسياسيين وغيرهم، القائمين علي موقع المقال الأصلي إتعلموا إن الناس بيكونوا متحمسين ومُلهمين لما بيشوفوا الرياضيات علي هيئة صور، مش بس رموز.علي سبيل المثال، فكر إزاي تحل العملية الحسابية 18×5 ، وإسأل ناس تانيين إزاي هيحلوا نفس المسألة. دي بعض الطرق المختلفة لحلها:

Visual-Image-fix-18-x-5

مصدر الصورة هو المقال الأصلي

كل الحلول البصرية الموضحة في الصورة دي بتسلط الضوء علي الرياضيات اللي في المسألة، وبتنمي عند الطلاب إستيعابهم لعملية الضربب. الصور بتساعد الطلبة إنهم يشوفوا الأفكار اللي في الرياضيات، وده بيساعد علي الفهم. الرياضيات البصرية أو المصورة بتساعد كمان مهارات التفكير العليا والتواصل، وبتساعد الناس يشوفوا الإبداع اللي في الرياضيات.

الرياضيات قائمة على التفكير الدقيق، ولكن لما يتم الدمج بين التفكير الدقيق والإنطلاق والإبداع والتصوير والمرونة، بتدب الحياة في علم الرياضيات

المدرسين يقدروا يخلقوا جو من الحماس يصاحب أي سؤال في الرياضيات عن طريق سؤال تلاميذهم عن الطرق المختلفة اللي بيشوفوا بيها المسائل ويقدروا يحلوها بيها، وكمان عن طريق تشجيع النقاشات عن الطرق المختلفة لرؤية المسائل.

لما مش بنطلب من الطلاب إنهم يفكروا بصريا،إحنا بنفقد فرصة كبيرة جداً لزيادة إستيعابهم ولتنشيط وتواصل أجزاء مختلفة من المخ في نفس الوقت

موضوع ربط الرياضيات والمهارات الحسابية بالعناصر البصرية ده موضوع إحنا مهتمين به في مدونة خوجة. المقال ده واحد من مجموعة مقالات بتغطي الموضوع، لسه فيه مقالات تانية في القريب العاجل. لو عجبك المقال ده، يبقي المقال ده بردو أكيد حيعجبك، وفيه بنتكلم عن تطوير القدرات الحسابية بإستخدام المعداد الصيني.

**الترجمة الموجودة أعلاه ليست ترجمة حرفية علي الإطلاق، وما يعنينا في مدونة خوجة هو أن يجد القارئ خلاصة المقال الأصلي دون زيادة أو نقصان. نرحب دائماً بملاحظاتكم.

 

كاتب المقال:

أسرة المدونة (حساب الكاتب علي فيسبوك)

مصادر الصور:

Google Images

flickr.com / License

Getty Images

One response to “عن أثر العوامل البصرية في تَعَلُّم الرياضيات – مدونة خوجة

  1. التنبيهات: الضغط الناتج عن السرعة والتقيد الزمني يعيق وظيفة الذاكرة العاملة – مدونة خوجة | مدونة خوجة التعليمية·

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s