مسابقة الكتابة الإبداعية لطلاب مدارس مصر لعام 2015 – مدونة خوجة

kids-writing-clipart

إنتهي ميعاد تسليم الأعمال في المسابقة دي .. إستنونا في مسابقة الكتابة الإبداعية للسنة الجاية إن شاء الله 🙂

===================================

الفئة العمرية الأولي (من 7 إلي 11 سنة)

إكتب بحد أقصي 2000 كلمة في واحد من الموضوعات دي:

  • إنت قابلت شخصية تاريخية، أثرت في حياة الناس أو في تاريخ بلدك. إحكيلنا، مين الشخصية دي وقلت له إيه وقال لك إيه؟
  • تخيل إنك لعبة من اللعب بتاعتك، أو كلب أو قطة إنت مربيهم في البيت، واحكيلنا شايف الدنيا ازاي وبتفكر في إيه.
  • تخيل إنك حمار بيجر عربية كارو، واحكيلنا عن يوم من حياتك.
  • تخيل إنك حجر من أحجار أهرامات الجيزة. فيه ناس كتير أثناء زيارة الأهرامات بيحاولوا يتسلقوا صخور الهرم. كرد فعل منك علي سائح بيتسلقك، جه في بالك ذكريات عن أيامك الأولي في الحضارة الفرعونية. إحكيلنا عن الذكريات دي، وإزاي إتبنيت وإزاي فضلت باقي السنين دي كلها.
  • تخيل إنك أتوبيس المدرسة بتاعك، أو أي وسيلة مواصلات تانية (أتوبيس عام أو ترام). الأتوبيس ده خلاص مش حيستخدم تاني، إكتب عن مشاعرك في شكل حوارات بينك وبين السواق والركاب والكمساري وعامل النظافة أو الصيانة بتاعك.
  • إنت جاتلك فرصة تطلع رحلة علي صاروخ، لمكان خارج كوكب الأرض، إحكيلنا عن الرحلة دي.
  • إحكيلنا عن جهاز أو ماكينة، مش موجودة في حياتك، وكنت تتمني وجودها، واحكيلنا وجودها حيأثر في حياتك (أو حياتك وحياة الناس) إزاي.
  • إحكيلنا عن أكتر مُدَرِّس إنت بتحبه، أو أكتر مكان إنت بتحبه في مدرستك.
  • إكتب عن يوم من يوميات واحد مش بيسمع أو واحد مش بيشوف، تخيل إنك هو وقل لنا تفاصيل يومك.

شروط المسابقة: كل طالب مسموح له يبعت لنا عمل واحد بس، ولازم كل عمل يكون اللي كاتبه طالب واحد مش أكتر.

إكتب العمل بتاعك علي الكمبيوتر بإستخدام Microsoft Word أو أي برنامج زَيُّه، وابعته لنا في رسالة علي البريد الإلكتروني للمدونة. في رسالتك، قل لنا إسمك ورقم تليفونك عشان نتصل بيك لما تكسب إن شاء الله. البريد الإلكتروني للمدونة هو: khoajablog@gmail.com

حنستمر في إستقبال أعمالكم لغاية يوم 21 ديسمبر إن شاء الله، أو لغاية ما نستقبل 50 عمل في الفئة دي من المسابقة، أيهما أقرب. إحنا المرة دي حنستقبل عدد محدود من الأعمال لأن المدونة لسه بتبدأ وفريق العمل صغير جداً، في المسابقات الجاية حنقبل أعمال أكتر.

إكتب بأي لغة تحبها: عربية فصحي، أو عامية مصرية، أو إنجليزي، أو فرنساوي، أو ألماني، المهم تكتب.

النتيجة النهائية حنعلنها يوم 21 يناير 2016 إن شاء الله.

الفئة دي من المسابقة فيها جايزتين لأحسن عملين، كل جايزة قدرها 300 جنيه مصري، وشهادة تقدير من المدونة.

—————————————————————————————————————————————————-

الفئة العمرية الثانية (من 12 إلي 17 سنة)

إكتب بحد أقصي 12000 كلمة:

قصة قصيرة من أي نوع إنت تحبه، تاريخية، أو بوليسية، أو خيالية، أو فكاهية ساخرة، أو أسطورية. أحداثها ممكن تدور في أي مكان في العالم وفي أي زمان تتخيله، في الماضي أو الحاضر أو المستقبل. أبطالها ممكن يكونوا بني آدمين وممكن يكونوا أي حاجة تانية، حشرات أو طيور أو حيوانات أو زواحف أو حتي نباتات. عَبَّر عن نفسك، لو بتحب العلوم والكتابة، إخلط قدراتك القصصية بالموضوعات العلمية، ولو فيه قضية في المجتمع انت مهتم بيها، إغزل منها قصة قصيرة وعرفنا بيها.

ممكن مثلاً تكتب قصة قصيرة بتدور أحداثها في القرن الــ 16 أو القرن الــ 19 في مصر. ممكن تكتب قصة قصيرة عن طفل مصري عايش في الشارع، في المقابر أو في فلوكة في النيل. ممكن تكتب قصة قصيرة عن أثر من آثار مصر في الخارج وحلم العودة لأرض الوطن. دي مجرد إقتراحات، وزي ما قُلنا قبل كده، الإختيار اختيارك.

بننصح المتسابقين قبل ما يبدأوا يكتبوا إنهم يتعرفوا أولاً علي قواعد كتابة القصة القصيرة. الإنترنت مليان بالمعلومات المفيدة عن النقطة دي.

شروط المسابقة: كل طالب مسموح له يبعت لنا عمل واحد بس، ولازم كل عمل يكون اللي كاتبه طالب واحد مش أكتر.

إكتب العمل بتاعك علي الكمبيوتر بإستخدام Microsoft Word أو أي برنامج زَيُّه، وابعته لنا في رسالة علي البريد الإلكتروني للمدونة. في رسالتك، قل لنا إسمك ورقم تليفونك عشان نتصل بيك لما تكسب إن شاء الله. البريد الإلكتروني للمدونة هو: khoajablog@gmail.com

حنستمر في إستقبال أعمالكم لغاية يوم 21 ديسمبر إن شاء الله، أو لغاية ما نستقبل 50 عمل في الفئة دي من المسابقة، أيهما أقرب. إحنا المرة دي حنستقبل عدد محدود من الأعمال لأن المدونة لسه بتبدأ وفريق العمل صغير جداً، في المسابقات الجاية حنقبل أعمال أكتر.

إكتب بأي لغة تحبها: عربية فصحي، أو عامية مصرية، أو إنجليزي، أو فرنساوي، أو ألماني، المهم تكتب.

النتيجة النهائية حنعلنها يوم 21 يناير 2016 إن شاء الله.

الفئة دي من المسابقة فيها جايزة واحدة لأحسن قصة، وهي إن المدونة حتتكفل بتكاليف نشرها للكاتب علي منصة كُتُبنا للنشر الإلكتروني، وحنتكفل بتكاليف التسويق لقصتك كمان، عشان الناس تعرفها وتشتريها، والمكسب لك بالكامل، تمام كده؟

Kotobna

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s