5 أدوات تعليمية رائعة من جوجل – مدونة خوجة

Image via Flickr by Lexie Flickinger

Edudemic

Read Original Article

انتم غالبًا بتستخدموا جوجل كل يوم، سواء للبحث ع النت أو إيميل أو خرائط. شركة جوجل كمان بتشارك في تحديث التعليم بشكل متزايد، وفعلًا طورت كذا مشروع لتشجيع الإهتمام بالعلوم والبرمجة. شوية من المشاريع دي مسابقات، وشوية تم تصميمهم للاستخدام في البرامج اللي بعد المدرسة (بعد إنتهاء اليوم الدراسي) أو البرامج الصيفية. بس ممكن توصل للمحتوى العظيم ده حتى لو مش مشترك رسميًا في أي من البرامج. كتير من الأنشطة دي بتستخدم الفنون والموسيقى والوعي الإجتماعي عشان يخلّوا الدروس التكنولوجية مغرية أكتر. بصوا ع الأنشطة دي، وابتدوا فكروا بره الصندوق الصغير بتاع ”بحث جوجل“.

معرض علوم ”جوجل“

مع المسابقة العالمية دي، فِكر جوجل راح لأبعد مدى، أبعد من فكرة معارض العلوم اللي بتتعمل في صالات ألعاب مدارس الثانوي — اللي كلنا عارفينها (في أمريكا). حتى لو طلابك مش هيدخلوا المعرض رسميًا، جوجل جمّعت موارد رائعة كتيرة لطلاب مدارس الإعدادية والثانوية. هتلاقوا خطط لدروس عشان تدرسوا بيها لطلابكم عن البحث والمنهج العلمي. ”منصة التفكير“ ممكن تساعد الطلاب على إيجاد مشروع يناسب إهتماماتهم ومواهبهم. وصفحة الموارد بتوفر روابط لأخبار العلوم ومواقع تربوية وتعليمية.

صُنِعَ ببرنامج كمبيوتر

مشروع ”صُنِعَ ببرنامج كمبيوتر“ مصمم عشان يبيّن للبنات إن البرمجة حاجة لطيفة. الطالبات ممكن تتفرج على ڤيديوز ملهمة لسيدات و بنات بيغيروا من مجتمعاتهم بالبرمجة. مشاريع البرمجة بتخلي الطلاب يعملوا ميكس للأغاني، يعملوا صور رمزية، أو حتى يصمموا ”يتي“ أو Yeti. بشغل زي ده، الولاد ممكن يغِيروا. بس ممكن يستخدموا الموقع همّ كمان، أكيد.

شخبط لـ”جوجل“

جوجل بتعمل مسابقة سنوية للطلاب اللي عايزين تصميمهم لشعار (لوجو) جوجل يبقى الـ لوجو ليوم. المسابقة معمولة لطلاب من مرحلة الـ KG لتالتة ثانوي، ومتقسّمة لمجموعات عمرية. صفحة المسابقة برضه بتشمل أنشطة الفصل لتعليم الأطفال ازاي يطرحوا أفكار وازاي ينتقدوا أو يقيّموا مجهودات زمايلهم، ويقدموا أحسن شغل يقدروا عليه.

علوم الكومبيتر أولًا

هدف جوجل من علوم الكومبيوتر أولًا هو تبني نوادي الكومبيوتر اللي بتعلّم الطلاب البرمجة. جوجل بتوفر أنشطة البرمجة ببلاش أون لاين، فالطلاب ممكن يستخدموها حتى من غير مايكونوا في نادي. الطلاب ممكن يعملوا ألعاب ڤيديو، رسومات متحركة، قصص متفاعلة، وحاجات تانية كتير. الأنشطة مصممة لطلاب الإبتدائية والإعدادية لكن تنفع للي أكبر أو أصغر شوية.

مجموعات ”جوجل“ للمُعَلِّم

لو عايز تدمج أدوات جوجل في الفصل بتاعك بس عندك اسئلة، ابدأ هنا. ابحث عن مجموعة جوجل للمعلم قريبة منك أو مجموعة تقدر تتواصل معاها عن بعد. هتقابل مدرسين تانيين، مهتمين بالتكنولوجيا والتجديد، ممكن يتعاونوا معاك، ويقدموا لك النصايح، ويقولوا لك عن فرص تدريب. الكلام مع مدرسين تانيين ممكن يبقى فيه بصيرة أكتر من مجرد كتابة أسئلة على — أيوة — جوجل.

لسّه بنجدد

جوجل جابت إسمها في الأصل من كلمة googol — واللي معناها: رقم كبير جدًا. وموظفين جوجل دول شكلهم عندهم رقم كبير جدًا من الأفكار. في السنين اللي فاتت، الشركة جرّبت مجموعة من المبادرات التعليمية. شوية منهم نجحوا، وشوية منهم منجحوش. فو انتم بتستكشفوا في الخيارات دي، افتكروا تدخلوا على موقع جوجل التعليمي كل شهر عشان تشوفوا الجديد.

ملاحظة المحرر: المقالة دي مراجعة وخليط من كذا مقالة من مقالات Edudemic القديمة اللي اتجددت وأعادوا تحليلها عشان تعكس آخر الإبتكارات.

**الترجمة الموجودة أعلاه ليست ترجمة حرفية علي الإطلاق، وما يعنينا في مدونة خوجة هو أن يجد القارئ خلاصة المقال الأصلي دون زيادة أو نقصان. نرحب دائماً بملاحظاتكم.

كاتب المقال:

أ.لينا الديب – صحفية وروائية ومُدوِّنة (حساب الكاتبة علي تويتر)

مصادر الصور:

1. Google Images

2. flickr.com

3. Getty Images

4. My Cute Graphics

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s